Negreira participa no Club de debate con grupos do IES Xulián Magariños

Negreira participa por primeira vez na actividade de dinamización lingüística Club de debate con tres grupos do IES Xulián Magariños preparados polos seus profesores Cipriano, Elisa e María.

Esta actividade consiste nun torneo de debates entre grupos mixtos de alumnado de 3º e 4º de ESO e 1º de bacharelato sobre uns temas fixados previamente; está organizada polos servizos de normalización lingüística dos concellos de Ames, O Carballiño, Carballo, Ferrol, Negreira, Pontevedra, Rois, Santiago de Compostela e Teo en colaboración cos centros de ensino e pretende favorecer o uso oral do galego nun contexto formal de debate e nun contexto informal de convivencia.

Este sábado, 7 de marzo, competirán, na fase de zona, en Ferrol, os grupos de Ferrol, Carballo e Negreira co tema Todas e todos somos iguais ante a lei; alí, o alumnado demostrará as súas habilidades comunicativas e de oratoria e desenvolverá o pensamento crítico e analítico ao longo de toda a xornada que comezará ás nove da mañá e rematará ás oito da tarde.

Esta entrada fue publicada en Dinamización. Guarda el enlace permanente.

Los comentarios están cerrados.