Retomamos as sesións de contacontos, todos os martes primeiros de mes no centro sociocultural de Negreira, coa obra O ratiño presumido de Trinketrinke Teatro. Alí estiveron coas familias Fuco e Lilí, os ratiños de Lonxedetodo. Pero non só foron artistas estes ratiños senón que tamén participaron na interpretación do conto algúns papás e algunhas mamás. A diversión estivo garantida.
